利迷論壇 » 昔日紅軍 » 很痛心疾首to see 不喜勿入 or 不設罵戰 的語句

頁: [1]

mcmahoman15/12/2006 09:28
很痛心疾首to see 不喜勿入 or 不設罵戰 的語句

其實有冇想過owen or Mcmanaman 都曾經為我們帶來不少歡樂. 無功都有勞. 唔好忘記一個 League Cup 兩個 FA Cups 都是由這二位人兄的入球所帶來的. 罵湯馬士都未到呢兩位啦!

[[i] 本文章最後由 mcmahoman 於 2006-12-15 17:35 編輯 [/i]]

~!輝!~15/12/2006 10:56
我到而家都好鍾意佢地~~

hyy_ping15/12/2006 14:42
始終我唔覺得佢地係叛徒..
有邊個唔想拎更多獎牌..
與其話佢地唔愛利物浦..
不如話點解利物浦果陣留唔到佢地..

STEVE MICHEAL YNWA..

狂戰士*D.cisse15/12/2006 14:48
唔明點解係地咁憎owen n Mcmanaman...
人望高處...水向低流...
我一d都唔覺得佢地係叛徒...
或者我還是一個資歷淺既利迷...

mcmahoman15/12/2006 15:55
有些人唔好反轉豬肚就是屎. 佢地都係Scouser, 有邊個想離開自己Home Town, 離開自己母會. 你轉校都唔會唱衰自己母校啦! 個心咪一樣在自己母校.

學生哥! 唔好忘記佢地都係打工仔一名. 你都會有一日打工, 有好的大公司好職位, 你都會跳糟, 下下叛徒無Job DB/Classified Post 啦. 大哥! 佢地打工, 唔係Fans, 唔需要跟死一隊.  利物浦曾經被稱為One-Man Team, 個One Man 係邊個? 麥馬拿文law. 有見過麥馬拿文踼波都知道麥馬拿文好似鐵人一樣, 全場奔走, 極少休息. 麥馬拿文來香港都好樂意同你唱"You'll never walk alone" 我相信佢同利物浦和英利迷都幾好關係, 有時都見佢返Anfield為Fowler打氣, 坐看台都唔需要坐貴賓房啦!

唔好只是記得人地壞處, 要學懂欣賞他人好處先得架!

恰恰看回以前的post, 不想起任何爭論. Admin 可否 Close/Freeze 這個Post. Sorry Sorry and Thanks

[[i] 本文章最後由 mcmahoman 於 2006-12-16 00:27 編輯 [/i]]

ck112216/12/2006 01:39
[quote]原文章由 [i]mcmahoman[/i] 於 2006-12-15 23:55 發表
有些人唔好反轉豬肚就是屎. 佢地都係Scouser, 有邊個人?想離開自己Home Town, 離開自己母會. 你轉校都唔會唱衰自己母校啦! 個心咪一樣在自己母校.

學生哥! 唔好忘記佢地都係打工仔一名. 你都會有一日打工, 有好的 ... [/quote]


唉.. 就算比人block都咁話,
呢度係歌迷會定球迷會? 真係咁幼稚?
係論壇出一個主題叫人唔好罵戰, 又不斷係個主題黎婼|人, 抽水, 又話唔明(就算講又會明咩),
呢種叫有你講無人講. 大陸文化吹到咁?
留言質數低論點又重覆.

利迷? 利迷真係痛心疾首.
咪再出醜啦. 嘿嘿

[[i] 本文章最後由 ck1122 於 2006-12-16 09:56 編輯 [/i]]

kenny11416/12/2006 06:05
"係論壇出一個主題叫人唔好罵戰, 又不斷係個主題黎婼|人, 抽水, 又話唔明(就算講又會明咩),
呢種叫有你講無人講. 大陸文化吹到咁?
留言質數低論點又重覆........"

ck1122兄,不用勞氣!king_kenny兄的Post巳分析很精楚,但有些人的理解力稍弱,連主要的point也掌握錯了,你要體諒才是!

不要再為這位人望高處,高風亮節,淡泊名利,視錢財如糞土,忠心耿耿的前度球星浪費時間了!(他絕對不是叛徒:D!祇是母會辦事不力:fire,他才含冤莫白而巳!:luf)讓崇拜的繼續景仰吧!

ckyderek16/12/2006 10:45
有些人唔好反轉豬肚就是屎. 佢地都係Scouser, 有邊個想離開自己Home Town, 離開自己母會. 你轉校都唔會唱衰自己母校啦! 個心咪一樣在自己母校.

學生哥! 唔好忘記佢地都係打工仔一名. 你都會有一日打工, 有好的大公司好職位, 你都會跳糟, 下下叛徒無Job DB/Classified Post 啦. 大哥! 佢地打工, 唔係Fans, 唔需要跟死一隊.  利物浦曾經被稱為One-Man Team, 個One Man 係邊個? 麥馬拿文law. 有見過麥馬拿文踼波都知道麥馬拿文好似鐵人一樣, 全場奔走, 極少休息. 麥馬拿文來香港都好樂意同你唱"You'll never walk alone" 我相信佢同利物浦和英利迷都幾好關係, 有時都見佢返Anfield為Fowler打氣, 坐看台都唔需要坐貴賓房啦!

唔好只是記得人地壞處, 要學懂欣賞他人好處先得架!
--------------------------------------------------------------------------------

唔好只說自己有利之處, 要用心了解他人說的內容架!

唉!看後都很擔心香港人是否黑色,白色和灰色都已經分不到了.

想問下一些問題, 看看是否黑,白已經分不開了.

1.袁世凯是一個應得尊敬的人嗎? (辛亥革命沒有他的出現, 是否成功或還要打多少年沒人會知)

2. 電視劇中的羅威, 是否壞人呢? (他望高處, 想成名想多點錢有錯嗎?)

3.呂布算是英雄人物嗎? 他是否董卓的好義子呢? (他是三國時代被認為武功最高的人, 也為董卓勝了多次戰事. 功高到董卓認他為義子來收買他)

[[i] 本文章最後由 ckyderek 於 2006-12-16 19:49 編輯 [/i]]

ckyderek16/12/2006 11:02
[quote]原文章由 [i]狂戰士*D.cisse[/i] 於 2006-12-15 22:48 發表
唔明點解係地咁憎owen n Mcmanaman...
人望高處...水向低流...
我一d都唔覺得佢地係叛徒...
或者我還是一個資歷淺既利迷... [/quote]

這樣汪精衛算是賣國嗎?
人望高處.., 水向低流. 他有錯嗎?

問題重點, 不是人望高還是水向低, 問題在于做這件是否只為了自己的利益, 而明知會對別人做成重大傷害,
都仍然或刻意去做. 這樣就會出現不忠之意.

好像希斯基, 當年利記要買他, 但他跟李斯特城合約快完.
希斯基當時並沒有不停對外說很想留李斯, 但又不停說合約快完成但還差小小.
他的做法是馬上跟球會續約, 這樣球會可跟利記平等地談轉會. 不會一邊怕波士文草草同意利記的開價.

誰才是人望高處地光明正大地離開, 李斯球迷沒一個會憎恨希斯基.

如何做一個君子, 不關你是否資歷淺既利迷, 重點是你如何論君子.

[[i] 本文章最後由 ckyderek 於 2006-12-16 19:51 編輯 [/i]]

ckyderek16/12/2006 11:15
[quote]原文章由 [i]mcmahoman[/i] 於 2006-12-15 17:28 發表
其實有冇想過owen or Mcmanaman 都曾經為我們帶來不少歡樂. 無功都有勞. 唔好忘記一個 League Cup 兩個 FA Cups 都是由這二位人兄的入球所帶來的. 罵湯馬士都未到呢兩位啦! [/quote]

侯利亞為利記得過五冠, 無論這些盃大家如何評級都好. 無功都有勞, 點解大對佢就這樣不公平, 為何罵老侯時你不走出來提醒大家, 老侯無功都有勞. 叫大家尊重老侯.

ck112217/12/2006 16:48
[quote]原文章由 [i]ckyderek[/i] 於 2006-12-16 19:15 發表


侯利亞為利記得過五冠, 無論這些盃大家如何評級都好. 無功都有勞, 點解大對佢就這樣不公平, 為何罵老侯時你不走出來提醒大家, 老侯無功都有勞. 叫大家尊重老侯. [/quote]

所以小弟咪覺得呢度係歌迷會囉. 論事只憑對當事人喜好, 無是非之分, 小弟喜歡賓尼狄斯, 亦喜歡侯利亞, 單講成就, 小弟覺得賓sir同俟生都仲係各有千秋, 在小弟眼中,  

賓sir有兩個杯, 一個歐冠, 一個足總杯,  兩個杯都同侯生五個杯一樣, 贏得拖泥帶水 (原諒小弟),   睇下尋日對查爾頓, 小弟真係覺得係悶波一場(起碼唔算精彩), 其實唔算好睇好多, 其實風格同侯生唔差太遠, 但兩個人既遭遇, 唉.. 到今日小弟都仲有人抱怨對巴塞全場都係得一次射門.
但點都好, 小弟係利迷, 雖然贏得樣衰, 但我喜歡, 我唔介意再來一次, 如果話同巴塞對攻, 小弟覺得己經係狂妄.  

當然攞杯歐冠比歐協高, 但有一樣野係賓sir比唔上侯生既係對強隊對賽既把握性, 睇下幾年聯賽既排名, 其實每年係英超都在四名開外(有無記錯), 事實上小弟覺得相對係實力上係比不上侯生時代, 但呢度真係仲差不多盲目支持, 就算侯生如日方中既時候仍時如此, 真係好唔公平, 我們又會偽善, 人人都唔喜歡宿敵曼聯, 但係度稍為反曼聯係會比人block既,  
所以小 弟多年前都係度講過, 呢度係利迷網, 不可反曼, 只可反候.

[[i] 本文章最後由 ck1122 於 2006-12-18 01:31 編輯 [/i]]

tung18/12/2006 03:30
[quote]原文章由 [i]ck1122[/i] 於 2006-12-18 00:48 發表

人人都唔喜歡宿敵曼聯, 但係度稍為反曼聯係會比人block既,  
所以小 弟多年前都係度講過, 呢度係利迷網, 不可反曼, 只可反候.
[/quote]

自問都響利網呢度打滾多人
響度反曼會俾人block? 真係聞所未聞 (不妨今日(或曼x輸波翌日)到水版一看大家既「心涼」post)
若如是,網友好小子老早就會俾人block左

tung18/12/2006 03:31
[quote]原文章由 [i]ckyderek[/i] 於 2006-12-16 19:15 發表


侯利亞為利記得過五冠, 無論這些盃大家如何評級都好. 無功都有勞, 點解大對佢就這樣不公平, 為何罵老侯時你不走出來提醒大家, 老侯無功都有勞. 叫大家尊重老侯. [/quote]

當時提出呢點既大有人在
否則利網也不會有「挺侯」與「反侯」之辯

ck112218/12/2006 15:19
[quote]原文章由 [i]tung[/i] 於 2006-12-18 11:30 發表


自問都響利網呢度打滾多人
響度反曼會俾人block? 真係聞所未聞 (不妨今日(或曼x輸波翌日)到水版一看大家既「心涼」post)
若如是,網友好小子老早就會俾人block左 [/quote]

唔係呢個年代啦, 小弟並不反曼(曼聯係咩 ?) . 當時仲係PETER LO 既年代(小弟對PETER 兄十分尊敬). 應可考証.

ck112218/12/2006 15:40
[quote]原文章由 [i]tung[/i] 於 2006-12-18 11:31 發表


當時提出呢點既大有人在
否則利網也不會有「挺侯」與「反侯」之辯 [/quote] K

問題不在於挺侯或反侯, 在小弟眼中, 當年好多人反侯係因為PETER LO 反侯(小弟無惡意, 純粹個人觀感, 而且侯生亦應為失誤而負責) , 好多人和議並非 係個人意見, 只係人云亦云. 只為佢力主防守, 連贏波都會比自己球迷鬧, 真係覺得過份, 如當年老利兄既分析差不多己成絶响.

小弟係利迷, 從來唔介意利物浦贏得樣衰,901亦係戰術既一種而己,  贏就係贏, 但亦輸得起, 唔會委過於人.

呢度愈來愈似吹水板, 大家一窩蜂, 日前有C兄講話加西亞走到二三次靚位, 所以唔係冇表現(大意),真係唔知好嬲定好笑,  今日又話贏硬巴塞, 明日要必贏車仔,  年年都話贏超聯(小弟己在季初講過不存厚望), 年年失望而回.
如今更仲有呢種跳樑小醜, 指黑為白,  小弟真係覺得好幼稚. 更失望.

[[i] 本文章最後由 ck1122 於 2006-12-19 00:33 編輯 [/i]]

ckyderek18/12/2006 17:23
請別拉得太多和太遠了, 主要的問題都停了, 也好應該一起停下來.


查看完整版本: 很痛心疾首to see 不喜勿入 or 不設罵戰 的語句


Powered by Discuz! Archiver 4.1.0  © 2001-2006 Comsenz Inc.
Processed in 0.002618 second(s), 2 queries