利迷論壇 » 昔日紅軍 » 小朋友我想問關于“Justice for the 96”与“The Truth”的由來

頁: [1]

athrunwing21/1/2007 15:34
小朋友我想問關于“Justice for the 96”与“The Truth”的由來

各位前輩~~小朋友我雖然支持利記已經有一段日子了,也從不少前人整理的資料中得知希斯堡慘劇是怎麽一回事,但對于矛頭直指前太陽報主編麥肯錫的“The Truth”与“Justice for the 96”的起因還是不太清楚,希望大家能詳細一點告訴我,先行謝過各位了^.^

Kinny Riddle24/1/2007 15:46
如果閣下識睇英文既話﹐可以參考下以下呢個關於希斯堡慘劇既英文維基百科文章(暫時未有中文版)。

[url]http://en.wikipedia.org/wiki/Hillsborough_disaster[/url] (關於太陽報既所作所為可去標題為"The Sun"個段開始讀)

係慘劇發生後﹐太陽報就大字標題THE TRUTH - 「真相曝光」﹐話飲醉酒既利物浦球迷係發生人踩人後防礙當地警方同救護人員維持秩序同進行搶救工作﹐毫無根據地指班球迷向警察撒尿同攻擊佢地﹐拖延救緩工作以至死傷人數慘重。基本上就係話慘劇係利物浦球迷自作自受既。

負責寫呢D謊言既罪魁禍首就係當年太陽報既總編輯Kelvin MacKenzie。 當時報館內好多人都認為呢個「真相曝光」故仔寫得太過火﹐但敵唔過MacKenzie既勢力﹐因為佢有太陽報既大股東﹐傳媒大亨梅鐸(Rupert Murdoch)做後台。

後來政府進行既調查報告皆顯示慘劇既起因為警方管理人流控制失當。

The real cause of the Hillsborough disaster [was] overcrowding, the main reason for the disaster was the failure of police control.

呢個報告將太陽報話事件係球迷騷亂引起既謊言完全粉碎於無言中。

自從呢件事之後﹐利物浦市區內既報販均一致杯葛售賣太陽報﹐而有訂閱既讀者更紛紛取消訂閱﹐以致該報係利物浦地區既銷售量至此一蹶不振。

死難者家屬多翻要求太陽報公開道歉﹐但屢遭拒絕。(其實MacKenzie也唸過要點樣收拾殘局﹐佢打左個電話比當年利物浦領隊杜格利殊問佢應該點做。大帝就好爽快咁回應﹕「好容易。你只要係第日頭版大字標題話"WE LIED"(我們說謊了)就得啦。」結果MacKenzie死要面唔肯答應。)

直到2004年七月﹐太陽報登左一份道歉啟事﹐話佢地犯左一個很大既錯誤。但利市各界皆認為該道歉毫無誠意﹐純屬只係為左抗衡當年利市傳媒批評利市出身既托肥前鋒朗尼(當時仲未去曼聯住)將自傳連載係太陽報上﹐太陽報為討好利市人民既手段而已。

係2006年11月既一個商業會議內﹐MacKenzie仲好厚面皮咁話佢係死都唔會道歉既﹐當年太陽報既道歉啟事都只係因為梅鐸受到輿論壓力而已。:kill:kill:kill

針對MacKenzie既可恥言論﹐兩個月後﹐2007年一月﹐一眾利物浦球迷就成立RTK去為96個死難者討回公道。

我初初係英國讀書既時候都間中有睇太陽報﹐但聽過佢地對利物浦球迷同希斯堡慘劇死難者既所作所為後﹐就一直罷睇到而家。佢D Page 3 Girls 我真係唔稀罕啦。

[[i] 本文章最後由 Kinny Riddle 於 2007-1-24 23:51 編輯 [/i]]

SonofAnfield24/1/2007 19:12
對, 所以我亦從不看太陽..
但不要以為政府是好人, 當年既 Thatcher 政府, 為左唔令警察以及保守黨揹鍋, 故意縱容傳媒制做假像, 說一切都係利迷自討既, 而且更把層面擴大, 抹黑所有利物浦人, 報卻之前 Scousers 係大罷工中飾演既角色, 所以當時利迷及土匪迷空前團結, 一起四出 fight for justice...
其後有數單關於Hillsborough既 case 因為一個有關精神病既法律問題而打上英國既終審法院 House of Lords, 結果各大法官都判警察要負全責, 令政府狼狽不堪, 再加上一個報告, 只好順水推舟, 是但搵個人話唔關我地事就算數...
但自此之後, 利物浦人是 trouble makers, 這觀念已在英國各地根深柢固, 曼迷更是最樂此不疲提起此事既一群, 加上90 年代球隊跟利市一樣, 愈來愈差, 黑暗期左好多年...

到前年525, 好多利迷先有再次站起來既感覺...:karate

athrunwing25/1/2007 14:43
好多謝咁多位前輩既回復^.^

哦∼∼原來繫甘∼∼我明拉!!!
真繫好佩服一直以來咁多利物浦人對于真相与正義既執著∼∼在逐漸瞭解關于利記既一切一切既同時,亦令我更加堅信當初選擇支持利記繫無措既!!!(附帶一提,我繫05-06年先因爲身邊某個人而正式開始學睇足球,當時仲未認識利記,亦吾知歐冠系咩,更加吾知道原來利記就繫果年既歐冠盟主∼但當我第一次睇利記比賽果陣,却繫感覺到一D超乎于比賽之外既野,一種講吾出既特質∼到左今時今日我都依然講吾出繫乜野吸引我,或者就只繫一種感覺挂∼又或者等我睇左幾十年利記之後,就會慢慢參透到挂,呵呵^.^)
最後,真繫好多謝咁多位熱心解答我問題既利迷,希望以後大家可以繼續多多指教小弟拉^.^與此同時,亦希望一D同我之前一樣吾清楚尼件事完整既來龍去脉既新球迷可以通過以上幾位利迷前輩既解釋搞清楚乜野系“The Truth”,同時繼續堅信我地利物浦既“Justice”!!!


查看完整版本: 小朋友我想問關于“Justice for the 96”与“The Truth”的由來


Powered by Discuz! Archiver 4.1.0  © 2001-2006 Comsenz Inc.
Processed in 0.004057 second(s), 2 queries